Ich bi d Beira, suscht heiss ich Isabel Krähenmann und bin sit em November 06 Abteiligsleiterin. Ich bi sit über 10 Jahr i dä Pfadi. Agfange häts mit coole Namitäg und vor allem Lager als Chnöpfli, wiiter gange isch es mit dä erste eigne Üebige und Lager, mittlerwile bin ich am Leiter-Kurs leite, d Heimwuche organisiere und gang gärn mit dä Mountainscouts id Bärgä go toure. Wän ich aber gad mal nöd mit dä Pfadi underwegs bin, triff ich mich mit lüüt zum käfele, gang go velo fahre, schwümme oder jogge und mache und lose vill Musig.

Sit eme Jahr binich am Unterstrass und lah mich det zunere Primarlehrerin usbilde.